Оюутан зөвлөж байна.

 

МУБИС-ийн 3-4 ангийн оюутан Ундрах-Оргил өөрийн хийсэн ээлжит хичээлийн хөтөлбөрийг та бүхэнд хүргэж байна. Та бүхнийг үнэтэй санал, зөвлөгөө өгнө гэдэгт итгэж байна.

Ээлжит хичээлийн хөтөлбөр

Хамрах хүрээ: ЕБС-ийн II анги 

Хугацаа: 40 мин

Сэдэв: Эр үгэнд “-ий” залган бичих

Зорилго: Эр үгэнд “-ий” залган бичдэг тохиолдлуудыг мэдэх

Зорилт:

*        Эр үгэнд “-ий” залган бичдэг тохиолдлуудыг мэдэх

*        Тэдгээрийг хэрэглээ болгох

*        Үгэнд зөв залган бичих чадвар эзэмших

Аргазүй: Тайлбарлан ярих арга, харилцан ярилцах арга, асуудал дэвшүүлэн шийдвэрлэх арга

Цаг төлөвлөлт:

*        Сэдэлжүүлэх үе шат- 5мин

*        Сэргээн санах үе шат-3 мин

*        Шинэ мэдлэг бүтээх үе шат- 20 мин

*        Мэдлэгээ бататгах үе шат- 8 мин

*        Үнэлгээ, дүгнэлт- 2 мин

*        Гэрийн даалгавар- 2 мин

*        Хичээлийн явц:

Хичээлийн элемент	Хугацаа	Багшийн үйл ажиллагаа	Сурагчийн үйл ажиллагаа
Сэдэлжүүлэх үе шат	5 мин	Багш сурагчдаас одоо ямар улирал болж байгаа вэ? гэж асууна.    Тэгвэл энэ жаахан болмор даарч байгаа болов уу?    Энэ болжмор нэгэн хүүг барьсан үүрэндээ оруулахыг гуйхад тэрээр чи надад гэрийн даалгавар хийхэд туслаад энэ үгнүүдэд ямар “ий, ы” залган бичдэг болохыг мэдэж ир гэж гэнэ.    Тэгээд энэ бяцхан болжмор биднээс тусламж гуйж байна. Бүгдээрээ болжморт туслах уу?    Яг үнэн. Үүний тулд бид дараах 3 үгэнд “-ий” нөхцөл залган бичих хэрэгтэй.    Аргаль -? Багш-? Тараг-?     Та нар даалгавар биелүүлж болжморт тусламаар байна уу?    За тэгвэл бүгдээрээ даалгавруудаа эхэлцгээе.Болжмор маань биднийг харсаар л байгаа шүү хүүхдүүдээ.	Болжмор даарч байгаа. Тэгье, тэгье, тэгье. Тийм.
Мэдлэгээ сэргээн санах үе шат	3 мин	Бид өмнөх хичээлээр эр, эм үгэнд “–ий, -ы” г хэрхэн залган бичдгийг үзсэн. Эр үгэнд алийг, эм үгэнд алийг залгадаг вэ?. Багшдаа хэн хэлэх вэ?	Эр үгэнд “-ы”, эм үгэнд “-ий” залган бичдэг.
Шинэ мэдлэг бүтээх үе шат	20 мин	Дараах эхийг анхааралтай уншаарай. Анааш    Анаашийг хамгийн урт хүзүүтэй амьтан гэдэг. Анааш модны дээд талын мөчрийг хэлээрэй ороон, навчийг нь авч иддэг. Асуулт: 1.    Анааш ямар онцлогтой амьтан бэ? 2.    Анааш модны навчийг хэрхэн иддэг вэ?    Эдгээр тодруулсан үгийг ажиглаарай. Бид эр үгэнд “-ы” нөхцөлийг залган бичдэг гэж өмнөх хичээлээр үзсэн. Гэтэл яагаад ингээд биччихсэн юм бол.    Багшийн тайлбар: Хэдийгээр эр үгэнд “-ы”, эм үгэнд “-ий” бичдэг боловч эр үгэнд “-ий” бичих хэд хэдэн тохиолдол байдаг.  Ийм дүрэм байдаг юм байна. “ж, ч, ш” –ээр төгссөн эр үгэнд ”- ий” залгана.    Тэгвэл бид болжморт туслах ёстой багш гэдэг үгэнд ямар нөхцөл залгах вэ?    Тэгвэл “хамгийн” гэдэг үгэнд яагаад эр үг байтал эм үгэнд бичдэг “-ийн” нөхцөлийг залган бичсэн юм бол. Өөр дүрэм байдаг юм болов уу? Тиймээ өөр дүрэм байдаг бичээд аваарай. Хэлний “г” –ээр төгссөн эр үгэнд “-ий” залгана.    Энэ дүрмийг мэдэж авснаараа болжморт бид яаж тусалж чадах вэ?    Одоо бид нар болжмортоо шувууны үүр бэлдэж өгөхөд ямар даалгавар дутуу байгаа билээ? Энэ дүрмээр бичдэг юм байна. Яагаад? “и” болон “ь”-ээр төгссөн эр үгэнд “-ий” залгана.	Асуулт-1 Анааш ямар онцлогтой амьтан вэ? -Анааш бол хамгийн урт хүзүүтэй амьтан юм.    Асуулт -2 Анааш модны навчийг хэрхэн иддэг вэ? -     Анааш модны дээд талын мөчрийг хэлээрэй ороон, навчийг нь авч иддэг.       Мэдэхгүй ...       Буруу биччихсэн юм болов уу?       Багш-ийг-багшийг       Өөр ямар нэг дүрэм байгаа байхаа.       Чадна. Энэ дүрмээр “тараг” гэдэг үгэнд “ий” залгана.       Аргаль гэдэг үгэнд ямар “-ий” бичих вэ гэдгийг мэдэх ёстой.       Аргаль гэдэг үг нь “ь”-ээр төгсөж байгаа учраас энэ дүрмээр бичнэ.
Мэдлэгээ бататгах үе шат	8 мин	Одоо бүгдээрээ дасгал ажиллаж үзэцгээе. Болжмор найздаа очоод зааж өгөхөд бид сайн мэддэг байх шаардлагатай шүү дээ.      Хос үгсийг холбож холбоо үг бүтээгээрэй. Аргаль....... эвэр Аргал......... утаа Багш..........үзэг Тараг...........уу Зураг.........зур Анги........... багш Зураач....... хүндэл Шавж..........зааж нэрлэ
Үнэлгээ, дүгнэлт, гэрийн даалгавар	4 мин	Бид болжмортоо тусалж чадсан уу. Болжмортоо маш сайн тусалсан бүх сурагчдадаа баяр хүргэе. Бүгд сайн байлаа. Хичээлээс ойлгоогүй зүйл байна уу? Гэрийн даалгавар: Сурах бичиг: хуу-44,45 дасгалуудыг зааврын дагуу ажиллаарай.	Тиймээ чадсан. Ойлгоогүй зүйлээ багшаас тодруулж асууна. Гэрийн даалгавраа тэмдэглэж авна.

Зөвлөмж

·         Хичээлийг судалж, бэлтгэх

·         Хичээл заах ангийн сурагчдын нас сэтгэхүйн онцлогийг харгалзах

·         Хичээлийн хөтөлбөр боловсруулах

·         Хичээлийн хөтөлбөр боловсруулахдаа суралцагчдын хэрэгцээг үндэслэх

·         Хэрэгцээг хангахын тулд зорилго, зорилтыг оновчтой тодорхойлох

·         Зорилго, зорилтонд хүрэхийн тулд аргазүйгээ зөв сонгох

·         Мөн  үнэлгээ боловсруулах

·         Хөтөлбөр нь дараах бүтэцтэй байж болно. Үүнд:
- Огноо

-Хамрах хүрээ
-Сэдэв

-Зорилго

-Зорилт
-Аргазүй
-Цаг төлөвлөлт